اگر آپ ایک گرافک ڈیزائنر ہیں، لوگوز بناتے ہیں، برانڈنگ کرتے ہیں یا Canva، Adobe Illustrator، Photoshop یا Affinity Designer پر گھنٹوں گزار دیتے ہیں، تو یہ خبر شاید آپ کی زندگی بدلنے والی ثابت ہو۔
دنیا کے معروف ڈیزائن پلیٹ فارم Canva نے پاکستان انٹرنیشنل ایئرلائنز (PIA) کے لیے ایک ایسی تجویز پیش کی ہے جو پاکستان کی تخلیقی صنعت کے لیے تاریخی موقع بن سکتی ہے۔
Canva کے جنرل منیجر برائے مشرق وسطیٰ، شمالی افریقہ، افغانستان اور پاکستان، احمد اقبال نے تجویز دی ہے کہ PIA کی نئی ملکیت کے بعد اس کی برانڈنگ کے لیے ایک ملک گیر ڈیزائن مقابلہ منعقد کیا جائے، جس کے تمام اخراجات Canva خود برداشت کرے۔
لیکن یہ صرف ایک لوگو ڈیزائن کرنے کی بات نہیں۔ یہ اس شناخت کو تخلیق کرنے کا موقع ہے جسے دنیا بھر کے لاکھوں مسافر ہر روز دیکھیں گے۔
تصور کریں کہ آپ کے ڈیزائن کردہ رنگ، آپ کی تخلیق کردہ برانڈ گائیڈ لائنز اور آپ کے بنائے ہوئے طیارے کا ڈیزائن دنیا کے مختلف ہوائی اڈوں پر اتر رہا ہو۔ شاید پہلی بار کسی پاکستانی ڈیزائنر کا کام صرف اسکرین تک محدود نہ رہے بلکہ آسمانوں میں بھی نظر آئے۔
صرف مقابلہ نہیں، پاکستانی کریئیٹو انڈسٹری کا امتحان
پاکستان میں ہزاروں نوجوان فری لانسنگ، برانڈنگ اور UI/UX ڈیزائن میں اپنی صلاحیتوں کا لوہا منوا رہے ہیں۔ Fiverr، Upwork اور دیگر عالمی پلیٹ فارمز پر پاکستانی گرافک ڈیزائنر کی کامیابیاں کسی سے ڈھکی چھپی نہیں۔
تاہم اکثر ایک سوال پوچھا جاتا ہے:
"کیا پاکستانی آپ بن سکتے ہیں اب پی آئی اے کے گرافک ڈیزائنر کسی قومی برانڈ کو عالمی معیار کی شناخت دے سکتے ہیں؟”
اگر یہ مقابلہ حقیقت بن جاتا ہے تو شاید اس سوال کا جواب پوری دنیا کے سامنے آ جائے۔
صرف لوگو نہیں، پوری شناخت
Canva کی تجویز کے مطابق مقابلے میں صرف PIA کا لوگو ہی نہیں بلکہ برانڈ گائیڈ لائنز، طیاروں کی نئی لِوری (Aircraft Livery) اور ممکنہ ری لانچ مہم کے تخلیقی تصورات بھی شامل ہوں گے۔
یعنی یہ ایک ایسا منصوبہ ہوگا جہاں صرف آرٹسٹ نہیں بلکہ برانڈ اسٹریٹجسٹ، ٹائپوگرافرز، السٹریٹرز، موشن ڈیزائنرز اور کریئیٹو ایجنسیز بھی اپنا کردار ادا کر سکتی ہیں۔
پاکستانی ثقافت کو دنیا تک پہنچانے کا موقع
پاکستان کی ثقافت رنگوں، فن تعمیر، خطاطی، ٹرک آرٹ، اجرک، بلوچی، کشمیری اور دیگر علاقائی ڈیزائنز سے مالا مال ہے۔
سوال یہ ہے کہ اگر پی آئی اے واقعی نئی شناخت اختیار کرتی ہے تو کیا وہ صرف ایک جدید لوگو تک محدود رہے گی یا پھر اس کی برانڈنگ پاکستان کی اصل ثقافتی پہچان بھی دنیا کے سامنے پیش کرے گی؟
شاید یہی وہ موقع ہے جہاں پاکستانی ڈیزائنرز اپنی تخلیقی صلاحیت کے ذریعے دنیا کو بتا سکتے ہیں کہ پاکستان صرف خوبصورت مناظر کا نہیں بلکہ منفرد ڈیزائن کا بھی ملک ہے۔
نوجوان ڈیزائنرز کے لیے پیغام
اگر آپ ابھی سیکھ رہے ہیں, اگر آپ Behance پر اپنا پورٹ فولیو بنا رہے ہیں، گر آپ نے کبھی سوچا کہ "ایک دن میرا ڈیزائن کسی بڑے برانڈ پر ہوگا”، تو شاید یہ وہ لمحہ ہے جس کا آپ برسوں سے انتظار کر رہے تھے۔
فی الحال یہ Canva کی جانب سے پیش کی گئی ایک تجویز ہے اور PIA کی جانب سے اس کی باضابطہ منظوری سامنے نہیں آئی۔ تاہم اگر اس منصوبے کو عملی شکل ملتی ہے تو یہ پاکستان کی تاریخ کے سب سے بڑے قومی ڈیزائن مقابلوں میں سے ایک ثابت ہو سکتا ہے جس میں پاکستانی گرافک ڈیزائنر اپنی صلاحیتوں سے قومی ایئر لائن کو نیا روپ دے سکتے ہیں۔
اور ہو سکتا ہے اگلی بار جب کوئی PIA کا طیارہ دنیا کے کسی ایئرپورٹ پر اترے، تو اس پر نظر آنے والی شناخت آپ کے کمپیوٹر سے تخلیق ہوئی ہو۔
