ایک حالیہ ٹاک شو میں، پاکستان مسلم لیگ نواز (پی ایم ایل این) سے تعلق رکھنے والے سینیٹر عرفان صدیقی نے وزیر اعظم شہباز شریف کے بارے میں ایک مزاحیہ کہانی شیئر کی۔سینیٹر عرفان صدیقی کے مطابق، اپنے کام کے معمولات کے بارے میں گفتگو کے دوران، وزیر اعظم شہباز نے مزاحیہ انداز میں ریمارکس دیئے کہ میں دن میں 26 گھنٹے کام کرتا ہوں۔
وزیر اعظم کی لگن اور عزم سے متاثر ہو کر سینیٹر صدیقی نے مزید دو گھنٹے کے بارے میں دریافت کیا۔ وزیر اعظم شہباز نے جوابی طنزیہ کہا کہ میں ان دو گھنٹے میں سوتا ہوں.سینیٹر صدیقی کا کہنا تھا کہ شہباز شریف واقعی ایک بہت محنتی انسان ہیں اور وہ دن رات ہی محنت کرتے ہیں۔
مزید پڑھیں:عمران خان 2022 کی غلطی دوبارہ دہرانے جارہے؟
یہ پہلا موقع نہیں ہے کہ شہباز شریف کے دن رات کام کرنی کی باتیں زبان زد عام ہیں۔ گزشتہ دور حکومت میں بھی شہباز شریف کے صبح 7 بجے دفتر پہنچنے کی خبریں وائرل ہوتی تھیں جس پر مزے مزے کے میمز بھی بنائے جاتے تھے۔
شہباز شریف کے صبح 7 بجے آفس پہنچنے کی بات پر تبصرہ کرتے ہوئے آفتاب اقبال کے ساتھ انٹرویو میں عمران خان کا کہنا تھا کہ اس طرح صبح آفس پہنچنے سے معاملات ٹھیک نہیں ہوتے انکے مالی صبح 6 بجے کے کام پر آئے ہوتے۔
اس بار 26 گھنٹے کام کرنے کی بات پر بھی کئی تبصرے مل رہے ہیں۔ سینئر صحافی عمران ریاض خان نے اس پر اپنے وی لاگ میں تبصرہ کرتے ہوئے کہا کہ سمجھ نہیں آرہی کہ کیا چل رہا ہے۔ کبھی مارکیٹ میں 500، 500 روپے کے سوٹ آجاتے ہیں ،کبھی 50 روپے کا ہیلی کاپٹر آجاتا ہے اور کبھی دن میں 26 گھنٹے ہوجاتے ہیں۔ یہ عجیب عجیب چیزیں لانچ کر رہے ہیں اور لیڈر انکا نواز شریف ہیں۔
