سلمان علی آغا نے شائقین کے دل موہ لئے

گزشتہ روز کھیلے گئے پہلے ون ڈے میچ میں پاکستان نے سخت مقابلے کے بعد جنوبی افریقہ کو تین وکٹوں سے شکست دے دی۔

اس میچ میں سلمان علی آغا کی آل راؤنڈ پرفارمنس اور صائم ایوب کی بہترین بیٹنگ نے پاکستانی ٹیم کی جیت میں اس وقت اہم کردار ادا کیا جب شائقین بظاہر حوصلہ ہار چکے تھے۔

تاہم میچ کے بعد ایواڈ سیشن کے دوران سلمان علی آغا نے ایسا عمل اپنا جس نے شائقین کے دل موہ لیئے۔

سلمان علی آغا نے شائقین کرکٹ کے دل موہ لئے:

ہوا یوں کہ اپنی آل راؤنڈ پرفارمنس کی وجہ سے سلمان علی آغا مین آف دی میچ پائے۔

جب انہیں مین آف دی میچ کا ایوارڈ دیا جانے لگا تو انہوں نے صائم ایوب کو بھی سٹیج پر بلانے کی درخواست کی کیونکہ سلمان علی آغا سمجھتے تھے کہ صائم ایوب کی بیٹنگ کی وجہ سے قومی ٹیم یہاں تک پہنچی۔

یوں صائم ایوب اور سلمان آغا نے چند لمحوں کیلئے ایوارڈ شیئر کیا اور یوں سلمان علی آغا نے میچ جتوانے کے ساتھ کئی دل بھی جیت لئے۔

ان کے اس عمل کو کپتان محمد رضوان نے بھی سراہا ، لیکن سب سے زیادہ محبت انہیں کرکٹ شائقین کی وجہ سے ملی جنہوں نے اس فراخدلی پر سلمان علی آغا کو سراہا۔

مزید پڑھیں:‌بطور کپتان دو ون ڈے سیریز جیتنے والے محمد رضوان کا تیسر ا امتحان

ایک صارف نے لکھا کہ میں نے بہت کرکٹ دیکھی مگر اس انداز میں اپنا اوارڈ اتنی فراخدلی سے شئیر کرنا کبھی نہیں دیکھا۔ ویل ڈن سلمان آغا۔

اس سے قبل جنوبی افریقہ نے پہلے کھیلتے ہوئے مقررہ 50 اوورز میں 9 وکٹوں کے نقصان پر 239 رنز بنائے۔

جنوبی افریقہ کی جانب سے وکٹ کیپر بیٹسمین ہینرک کلاسن نے 86 رنز کی اننگز کھیل کر ٹیم کو سہارا دیا۔

پاکستان کی جانب سے سلمان علی آغا نے 4 پروٹیز کھلاڑیوں کو پویلین کی راہ دکھائی۔

پاکستان کی اننگز:

بظاہر قومی ٹیم کیلئے یہ کوئی 240 مشکل ٹارگٹ نہ تھا پر پے در پے وکٹوں کے گرنے نے میچ کو مشکل بنادیا۔

اوپنر عبداللہ شفیق بنا کھاتا کھولے پویلین لوٹے تو کپتان رضوان نے انہیں کراس کرتے ہوئے صرف ایک رنز بنایا اور چلتے بنے۔

رضوان کا ریکارڈ توڑا کامران غلام نے جو صرف 4 رنز بنا سکے۔ بابر اعظم بھی 38 گیندوں پر صرف 23 رنز بنا سکے۔
ایسے میں صائم ایوب اور سلمان آغا نے شاندار کارکردگی کا مظاہرہ کر کے بازی پلٹی۔

صائم ایوب نے سنچری سکور کرتے ہوئے 119 گیندوں پر 10 چوکوں اور 3 چھکوں کی مدد سے 109 رنز کی اننگز کھیلی۔

میچ میں ان کا ہاتھ سلمان علی آغا نے بٹایا جنہوں نے 90 گیندوں پر 82 رنز ناٹ آؤٹ کی اننگز کھیلی۔

ان کی اس شاندار پارٹنرشپ کی بدولت پاکستان کرکٹ ٹیم کی میچ میں واپسی ہوئی اور بالاآخر جیت ممکن ہو سکی۔

اگرچہ سکور میں 109 رنز بنانے میں صائم ایوب سلمان آغا سے آگے تھے۔ تاہم سلمان آغا کی 82 رنز ناٹ آؤٹ کے ساتھ 4 وکٹوں نے انہیں مین آف دی میچ ٹھہرایا۔

یہی وجہ ہے کہ انہوں نے صائم کو اپنے ساتھ ایوارڈ شیئرنگ کیلئے بلایا تو مداح داد دیئے بنا نہ رہ سکے۔