پاکستان نے گزشتہ سال انٹرنیٹ بندش اور سوشل میڈیا ایپس کی بندش اور تعطل کے نتیجے میں مالی نقصانات کے حوالے سے دنیا بھر میں سب سے زیادہ نقصان اٹھایا۔ پاکستان نے مجموعی طور پر 1.62 ارب ڈالر کے مالی نقصانات کے ساتھ دنیا بھر میں سبقت حاصل کی۔یہ نقصان سوڈان اور میانمار سے بھی زیادہ ہے جو خانہ جنگی سے متاثر ہیں۔
انٹرنیٹبندش کی یہ رپورٹ کیا ہے، اور کس نے جاری کی؟
یہ رپورٹ ٹاپ ٹین وی پی این ڈاٹ کام کی جانب سے جاری کی گئی، جو ایک آزاد وی پی این جائزہ کار ہے۔ رپورٹ کے مطابق، عالمی انٹرنیٹ بندشوں کا مجموعی دورانیہ 88,788 گھنٹے رہا، جس کی وجہ سے مجموعی مالی نقصان 7.69 ارب ڈالر ہوا۔
ڈیٹا کے مطابق صرف جان بوجھ کر کی گئی انٹرنیٹ بندشوں — مکمل بلیک آؤٹس، سوشل میڈیا کی بندش اور سست روی — کی لاگت کا اندازہ لگایا جو 28 ممالک میں 167 بار پیش آئیں۔گھنٹوں کے دوران 9.01 ارب ڈالر کا نقصان پہنچایا۔
انٹرنیٹ بندش سے پاکستان کا نقصان:
پاکستان کے لیے، ٹاپ ٹین وی پی این ڈاٹ کام نے 2024 میں جان بوجھ کر کی گئی 18 بار کی انٹرنیٹ بندشوں کا سراغ لگایا، جو تین بڑی وجوہات انتخابات، معلومات کا کنٹرول اور احتجاج کے لیے کی گئیں۔
یہ بندشیں 9,735 گھنٹے جاری رہیں اور 8.29 کروڑ صارفین متاثر ہوئے۔اندازے کے مطابق، 18 فروری سے سوشل میڈیا پلیٹ فارم ایکس کی جاری بندش سب سے مہنگی ثابت ہوئی، جس کے کل تخمینی اثرات 1.34 ارب ڈالر تھے۔
مزید پڑھیں:پاکستان انٹرنیٹ لوڈ شیڈنگ متعارف کرانے والا پہلا ملک
اس کے بعد بلوچستان میں حکام کی جانب سے 16 جولائی سے 21 اگست تک گوادر میں بلوچ یکجہتی کمیٹی کے احتجاج کے دوران انٹرنیٹ بندش رہی۔ 864 گھنٹے تک جاری رہنے والی اس بندش کی لاگت 11.8 ملین ڈالر تھی۔
رپورٹ کے مطابق، یہ حساب NetBlocks کے تیار کردہ Cost of Shutdown Tool (COST) کے ذریعے کیا گیا، جو انٹرنیٹ سنسرشپ اور تعطل کا آن لائن ٹریکنگ مانیٹر ہے۔
COST نے انٹرنیٹ بندشوں کی ممکنہ اقتصادی لاگت کا تخمینہ واشنگٹن ڈی سی کے تھنک ٹینک بروکنگز انسٹی ٹیوٹ اور CIPESA، جو برطانیہ کے محکمہ برائے بین الاقوامی ترقی (DfID) کی مالی معاونت سے چلنے والے ڈیجیٹل حقوق کے گروپ ہیں، کی شائع کردہ طریقہ کار سے لگایا۔
