واٹس ایپ دنیا کی سب سے مقبول میسجنگ ایپلی کیشنز میں شمار ہوتی ہے ، جہاں صارفین اس ایپ کے ذریعے اپنی تصاویر، ویڈیوز، اور دیگر فائلیں باآسانی اپنی فیملی اور دوستوں کے ساتھ شیئر کرتے ہیں۔ مگر، ایک مسئلے کا اکثر صارفین کو سامنا کرنا پڑتا ہے وہ تصاویر اور ویڈیوز کی کوالٹی کی خرابی کا ہے۔
عام طور پر ،صارفین کو ایچ ڈی آپشن کو منتخب کرنا پڑتا ہے تاکہ تصاویر کی کوالٹی خراب نہ ہو ۔اگر یہ آپشن منتخب نہ کریں تو تصاویر کے پکسلز پھٹ جاتے ہیں، جس سے ان کی کوالٹی خراب ہو جاتی ہے۔ اس مسئلے کا حل نکالتے ہوئے واٹس ایپ نے ایک نیا اور زبردست فیچر متعارف کرانے کا فیصلہ کرلیا ہے۔
واٹس ایپ کا یہ نیا فیچر تصاویر اور ویڈیوز کو ہائے ڈیفالٹ ہائی ڈفینیشن (ایچ ڈی) میں بھیجے گا،یعنی صارفین کو ہر تصویر کے لیے الگ سے ایچ ڈی آپشن منتخب کرنے کی ضرورت نہیں ہوگی۔ یہ فیچر نہ صرف تصاویر اور ویڈیوز کی کوالٹی کو بہتر بنانے میں مدد کریں گا بلکہ اسے بھیجنے کا عمل بھی زیادہ آسان اور مؤثر بنادیں گا۔
مزید پڑھیں :یوٹیوب نے حیرت انگیز فیچرز متعارف کروادیئے
یہ نیا فیچر صارفین کو بغیر کسی رکاوٹ کے اعلیٰ معیار کی ویڈیوز اور تصاویر بھیجنے کی سہولت فراہم کرے گا۔ تاہم، یہ واضح نہیں کیا گیا ہے کہ یہ فیچر کب تک دستیاب ہوگا، لیکن واٹس ایپ انتظامیہ نے اس پر کام کرنا شروع کر دیا ہے۔واٹس ایپ انتظامیہ کی جانب سے اٹھایا ہوا یہ اقدام صارفین کے تجربے کو بہتر بنانے میں اپنا ایک اہم کردار ضرور ادا کرے گا۔
واٹس ایپ کی یہ کوشش قابل تعریف ہے اس نئے فیچر کے ذریعے، واٹس ایپ استعمال کرنے والے صارفین کی زندگی مزید آسان ہو جائے گی۔ صارفین اپنی تصاویر اور ویڈیوز کوالٹی کی خرابی کی فکر کیے بغیر اپنے دوستوں اور خاندان والوں کے ساتھ شیئر کر سکیں گے۔
