ویپ کلچر فیشن کی آڑ میں زہر

ویپ (Vape) یا ای-سگریٹ ایک الیکٹرونک آلہ ہے جو نکوٹین، کیمیائی مادوں اور خوشبوؤں سے بھرا بھاپ پیدا کرتا ہے۔

مختلف رنگوں، خوشبوؤں اور چمک دار ڈیزائنوں کی وجہ سے اسے "ہارم لیس” اور "فیشن اسٹیٹمنٹ” کے طور پر پیش کیا گیا — لیکن یہ ایک بہت بڑا فریب ہے۔

سوشل میڈیا پر اس کی چمک دمک، ڈرامائی دھویں کے حلقے اور مشہور شخصیات کی تصویریں دیکھ کر لاکھوں نوجوان اس جال میں پھنستے جا رہے ہیں۔ انہیں لگتا ہے کہ ویپ کرنا انہیں "ماڈرن” اور "مغربی” بناتا ہے، مگر یہ انہیں صرف مریض بناتا ہے۔

نوجوانوں میں ویپ کلچر کے پھیلاؤ کی وجوہات

معاشرتی اور اخلاقی بگاڑ

ویپ صرف جسم کو نہیں، معاشرے کو بھی تباہ کر رہی ہے۔ جب کوئی نوجوان ویپ کو "فیشن” سمجھ کر اپنا لیتا ہے تو وہ نادانستہ طور پر اپنے چھوٹے بھائیوں، بہنوں اور ہم جماعت طلبہ کے لیے ایک "رول ماڈل” بن جاتا ہے۔ تعلیمی اداروں کے باہر ویپ کی فروخت، باتھ رومز میں اس کا استعمال — یہ سب ہمارے تعلیمی ماحول کو زہرآلود کر رہے ہیں۔

والدین اکثر ان نشانیوں سے بے خبر رہتے ہیں کیونکہ ویپ کا دھواں خوشبودار ہوتا ہے اور آسانی سے پہچانا نہیں جاتا۔ اسی وجہ سے یہ گھروں میں بھی خاموشی سے داخل ہو جاتی ہے۔

والدین اور اساتذہ کا کردار

بچوں سے کھل کر بات کریں۔ انہیں ڈرائیں نہیں بلکہ سمجھائیں۔ سوشل میڈیا پر ان کی سرگرمیوں پر نظر رکھیں۔ اسکولوں اور کالجوں میں آگاہی مہمات چلائی جائیں۔ مذہبی اور اخلاقی تعلیم کو فروغ دیا جائے تاکہ نوجوان اپنی اصل شناخت اور اقدار سے جڑے رہیں۔

حکومت کی ذمہ داری

پاکستان سمیت کئی ممالک میں ویپ کی فروخت پر مکمل یا جزوی پابندی ہے، مگر اس پر عمل درآمد انتہائی کمزور ہے۔ ویپ کو درآمد، فروخت اور استعمال — تینوں پر سخت قانون سازی اور اس پر عمل ضروری ہے۔ نوجوانوں تک اس کی رسائی روکنا حکومت کی اولین ذمہ داری ہے۔