ویسٹ انڈیز کے خلاف ٹیسٹ سیریز، قومی اسکواڈ کا اعلان

پاکستان کرکٹ بورڈ نے ویسٹ انڈیز کے خلاف دو آئی سی سی ورلڈ ٹیسٹ چیمپئن شپ ٹیسٹ کے لیے 15 رکنی اسکواڈ کا اعلان کر دیا، جو 17 سے 21 جنوری اور 25 سے 29 جنوری تک ملتان میں کھیلے جائیں گے۔
پی سی بی پریس ریلیز کے مطابق اسکواڈ میں جنوبی افریقہ کا دورہ کرنے والی 15 رکنی ٹیسٹ ٹیم میں سات تبدیلیاں کی گئی ہیں۔ برقرار رہنے والے کھلاڑیوں میں شان مسعود (کپتان)، سعود شکیل (نائب کپتان)، بابر اعظم، کامران غلام، خرم شہزاد، محمد رضوان، نعمان علی، اور سلمان علی آغا شامل ہیں۔

اسپن کے شعبے کو مضبوط بنانے کے لیے آف اسپنر ساجد خان اور اسپنر ابرار احمد کو لیفٹ آرم اسپنر نعمان علی کے ساتھ پارٹنر بنانے کے لیے واپس بلایا گیا ہے۔ زخمی صائم ایوب اور آؤٹ آف فارم عبداللہ شفیق کی جگہ اوپنرز امام الحق اور محمد ہریرہ کو بھی واپس لایا گیا ہے۔

ورک لوڈ منیجمنٹ کے انتظام کے طور پر، عامر جمال، محمد عباس، میر حمزہ، اور نسیم شاہ کے پیس کوارٹیٹ کو آرام دیا گیا ہے۔ ان کی جگہ سلیکٹرز نے خرم شہزاد کو برقرار رکھا ہے، محمد علی کو واپس بلا لیا ہے اور کاشف علی کو شامل نہیں کیا گیا ہے۔

مزید پڑھیں:‌سابق کرکٹر محمد حفیظ کا ’اووو، اووو‘ احتجاج

وکٹ کیپر بلے باز حسیب اللہ کی غیر موجودگی میں سابق پاکستان انڈر 19 اور شاہینز کے کپتان روحیل نذیر کو اسکواڈ میں شامل کیا گیا ہے۔

ویسٹ انڈیز کے خلاف سیریز کیلئے مکمل قومی اسکواڈ

شان مسعود (کپتان)، سعود شکیل (نائب کپتان)، ابرار احمد، بابر اعظم، امام الحق، کامران غلام، کاشف علی، خرم شہزاد، محمد علی، محمد ہریرہ، محمد رضوان (وکٹ کیپر/بلے باز)، نعمان علی، روحیل نذیر (وکٹ کیپر/بلے باز)، ساجد خان، اور سلمان علی آغا۔

حیرت انگیز طور پر جنوبی افریقہ کے خلاف سیریز میں‌0-2 سے شکست اور اس سے قبل بھی ٹیسٹ میں‌قابل قدر کرکٹ پیش نہ کرنے پر بھی شان مسعود کو بطور کپتان برقرار رکھا گیا ہے ۔