پاکستان کرکٹ ٹیم کی سلیکشن کمیٹی نے جنوبی افریقہ کے دورے کے لیے قومی اسکواڈ کا اعلان کر دیا ہے۔ یہ دورہ 10 دسمبر سے 7 جنوری تک جاری رہے گا اور اس میں تین ٹی20، تین ون ڈے اور دو ٹیسٹ میچز شامل ہیں۔
بابر اعظم کو تینوں فارمیٹس کے لیے اسکواڈ میں شامل کیا گیا ہے، جبکہ محمد رضوان، صائم ایوب اور سلمان علی آغا بھی تینوں اسکواڈز کا حصہ ہوں گے۔ نسیم شاہ کو ٹیسٹ اور ون ڈے میچز کے لیے منتخب کیا گیا ہے۔
شاہین شاہ آفریدی، جو انگلینڈ کے خلاف آخری دو ٹیسٹ میچز سے بھی باہر تھے، کو وائٹ بال میچز کے لیے منتخب کیا گیا ہے۔ یہ فیصلہ ان کے ورک لوڈ مینجمنٹ کے تحت کیا گیا ہے تاکہ وہ آئی سی سی چیمپئنز ٹرافی 2025 کے لیے اپنی بہترین فٹنس اور فارم برقرار رکھ سکیں۔
ٹیسٹ کیلئے قومی اسکواڈ میںشان مسعود (کپتان)، سعود شکیل (نائب کپتان)، عامر جمال، عبداللہ شفیق، بابر اعظم، حسیب اللہ (وکٹ کیپر)، کامران غلام، خرم شہزاد، میر حمزہ، محمد عباس، محمد رضوان (وکٹ کیپر)، نسیم شاہ، نعمان علی، صائم ایوب اور سلمان علی آغا۔
مزید پڑھیں:سفیان مقیم نے عمر گل کا 15 سال پرانا ریکارڈ توڑ ڈالا
ون ڈے اسکواڈ میںمحمد رضوان (کپتان اور وکٹ کیپر)، عبداللہ شفیق، ابرار احمد، بابر اعظم، حارث رؤف، کامران غلام، محمد حسنین، محمد عرفان خان، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم، طیب طاہر اور عثمان خان (وکٹ کیپر)۔
ٹی ٹونٹی اسکواڈ میںمحمد رضوان (کپتان اور وکٹ کیپر)، ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم، طیب طاہر اور عثمان خان (وکٹ کیپر)۔
عوامی امنگوں کے برعکس اس سیریز میںبھی فخز زمان سلیکٹرز کی توجہ حاصل نہ کر سکے جس نے ان کے چاہنے والوںکو ایک بار پھر مایوس کر دیا ہے۔
