آج ہم ایک ایسے موضوع کو زیر بحث لائیں گے جو ہر انسان کے دل کے بہت قریب ہوتا ہے جو کہ ہے وقت کی تنظیم یعنی کے Mastering Time Management اور اس عنوان سے متعلق چند رہنما اصول دیکھنے کی کوشش کیرںگے۔ یہ اصول ایک کتاب The Art of Laziness” سے لیے گئے ہیں۔ اس میں 20 نکات شامل ہیں جو وقت کی بہتر منصوبہ بندی اور نظم و ضبط کو فروغ دینے میں مددگار ہو سکتے ہیں۔
وقت کی تنظیم یعنی کہ ٹائم منیجمنٹ کے رہنما اصول
1. اپنے دن کی منصوبہ بندی کریں:
دن کی شروعات سے پہلے یہ فیصلہ کریں کہ آپ نے کیا کرنا ہے۔ ایک واضح منصوبہ آپ کو غیر ضروری کاموں سے بچنے میں مدد دیتا ہے۔
2. روزانہ کے اہداف لکھیں:
جو کچھ آپ دن میں حاصل کرنا چاہتے ہیں، اسے لکھ لیں۔ یہ آپ کو واضح سمت فراہم کرتا ہے اور ٹائم منیجمنٹ میںمددگار ثابت ہوتا ہے۔
3. اپنے اہداف کاغذ پر لکھیں:
تحریری اہداف آپ کو ان پر توجہ مرکوز کرنے اور انہیں یاد رکھنے میں مدد دیتے ہیں۔
4. 80/20 اصول اپنائیں:
زیادہ نتائج دینے والے کاموں پر توجہ مرکوز کریں۔ آپ کی 20% کوششیں 80% نتائج دیتی ہیں۔
5. ملٹی ٹاسکنگ ترک کریں:
ایک وقت میں ایک کام پر توجہ دیں کیونکہ بار بار کام بدلنے سے کارکردگی متاثر ہوتی ہے۔
6. ایک وقت میں ایک کام کریں:
کسی ایک کام کو مکمل کیے بغیر دوسرے کام کی طرف نہ جائیں۔
7. تمام رکاوٹوں کو ہٹا دیں:
اپنے کام کے دوران ہر قسم کی توجہ ہٹانے والی چیزوں (مثلاً فون یا شور) کو ختم کریں۔
8. تھکن ہو تو آرام کریں:
کام کے دوران اگر تھکن محسوس ہو تو تھوڑا آرام کر لیں تاکہ توانائی بحال ہو۔
9. ناں کہنا سیکھیں:
ہر چیز کے لیے ہاں کہنا آپ کا وقت ضائع کر سکتا ہے۔ صرف اہم کاموں پر توجہ دیں۔
مزید پڑھیں:مزاج کو اچھا بنانے والے تین عوامل
10. غیر اہم کاموں کو تفویض کریں:
چھوٹے اور غیر اہم کام دوسروں کو دے دیں تاکہ آپ بڑے کاموں پر توجہ دے سکیں۔
11. اچھے وقت کا انتظار نہ کریں:
کسی کام کو مکمل کرنے کے لیے فوری قدم اٹھائیں، مثالی وقت کا انتظار نہ کریں۔
12. پانچ منٹ میں مکمل ہونے والے کام فوراً کریں:
چھوٹے کاموں کو ملتوی نہ کریں، انہیں فوراً نمٹائیں۔
13. ناپسندیدہ کام پہلے کریں:
سب سے زیادہ مشکل یا ناپسندیدہ کام دن کے آغاز میں کریں تاکہ وہ آپ کے ذہن پر بوجھ نہ بنے۔
14. ڈیڈلائنز مقرر کریں:
کسی بھی کام کو مکمل کرنے کے لیے آخری تاریخ طے کریں، ورنہ وہ ختم نہیں ہوگا۔
15. غیر ضروری چیزوں پر توجہ نہ دیں:
صرف ان چیزوں پر توجہ دیں جو آپ کے اہداف کو حاصل کرنے میں مددگار ہوں۔
16. کمال پسندی سے پرہیز کریں:
ہر چیز کو مکمل اور بہترین بنانے کی کوشش نہ کریں، جب تک کہ یہ ضروری نہ ہو۔
17. موبائل کے لیے وقت مقرر کریں:
اپنی ای میلز چیک کرنے کے لیے دن میں مخصوص وقت مقرر کریں تاکہ غیر ضروری خلل سے بچ سکیں۔
18. غیر ضروری ملاقاتوں سے بچیں:
صرف ضروری ملاقاتوں میں شرکت کریں تاکہ وقت ضائع نہ ہو۔
19. منفی لوگوں سے دور رہیں:
ایسے افراد سے بچیں جو آپ کی توانائی یا حوصلہ کم کرتے ہوں۔
20. وہ کریں جو آپ کو پسند ہو:
اپنے شوق اور دلچسپی کے مطابق کام کریں، اس سے آپ کی کارکردگی بہتر ہوگی۔
وقت کی تنظیم کے ان اصولوں کا ماحصل:
وقت ایک بیش قیمت سرمایہ ہے جو ایک بار ضائع ہو جائے تو واپس نہیں آتا۔ وقت کی تنظیم یعنی کہ ٹائم منیجمنٹ کے ان اصولوں پر عمل کرکے ہم اپنی زندگی کو منظم اور مقصدیت سے بھرپور بنا سکتے ہیں۔ ان نکات سے یہ سبق ملتا ہے کہ کامیابی کا راز بہترین منصوبہ بندی، توجہ، اور غیر ضروری چیزوں سے دور رہنے میں پوشیدہ ہے۔ ہمیں اپنے وقت کو ایسے کاموں میں لگانا چاہیے جو ہمارے اہداف اور خوابوں کو حقیقت میں بدلنے میں مددگار ہوں۔
