تھرک کونسلر قیصر عباس، شیڈو کیبنٹ ممبر برائے کمیونٹی پارٹنرشپس اور کنزرویٹو پارٹی کے کونسلر، کی میزبانی میں چوتھی سالانہ بین المذاہب کانفرنس کا انعقاد اسٹینفورڈ لی ہوپ مسجد میں کیا گیا۔
اس کانفرنس میں مختلف مذاہب، کمیونٹی اور شہری رہنماؤں کی ایک بڑی تعداد نے شرکت کی، جس نے تھرک کی متنوع اور متحد برادریوں کی عکاسی کی۔
معزز مہمانوں میں ہز میجیسٹیز ڈپٹی لیفٹیننٹ آف ایسیکس، میئر آف تھرک، ڈپٹی پولیس، فائر اینڈ کرائم کمشنر آف ایسیکس، تھرک ڈسٹرکٹ کے قائم مقام پولیس کمانڈر اور لیبر پارٹی کے کونسلر شامل تھے۔
بین المذاہب کانفرنس کا انعقاد؛ مہمان اور خطاب:
شرکاء کی فہرست:
شرکاء میں ویتنامی بدھ راہب، پنجاب پولیس کے افسران، سابق رکن پنجاب اسمبلی، یونیورسٹی اور اسکولوں کے طلباء و طالبات، روحانی معالجین، سماجی آگاہی کے کارکنان اور مقامی رہنماؤں نے شامل تھے۔
مقامی اداروں ڈی ڈبلیو پی جاب سینٹر پلس، ہیلتھ واچ تھرک اور تھرک ہیلتھی لائف اسٹائل سروس نے اپنے معلوماتی اسٹالز لگائے۔
مقررین کے خطاب:
تقریب کے مہمانِ خصوصی ڈپٹی لیفٹیننٹ آف ایسیکس اور میئر آف تھرک نے خطاب کیا، جبکہ ڈپٹی پی ایف سی سی اور ڈسٹرکٹ کمانڈر نے تھرک اور ایسیکس میں کمیونٹی سیفٹی اور باہمی ہم آہنگی کے حوالے سے اپنے وژن اور ترجیحات بیان کیں۔
مقررین نے بین المذاہب مکالمے کی اہمیت، کثیر المذاہب اور کثیر الثقافتی معاشروں میں مذہبی اداروں کے کردار، اور امن، اتحاد اور باہمی احترام کے فروغ پر گفتگو کی۔
مختلف مذہبی رہنماؤں نے کونسلر قیصر عباس کی کمیونٹی کے درمیان تفاہم اور تعاون کے فروغ کے لیے جاری کاوشوں کو سراہا۔
گردوارہ گریز کے نمائندے نے مقامی کونسل کی جانب سے مذہبی اور نسلی برادریوں کی ضروریات اور خدشات پر توجہ نہ دینے پر تشویش کا اظہار کیا اور گریز کمیونٹی ہال سے متعلق پٹیشن کے معاملے کو بھی اجاگر کیا۔
چیئرمین تھرک مسلم سینٹر اور اسٹینفورڈ لی ہوپ مسجدکا خطاب:
چیئرمین تھرک مسلم سینٹر اور اسٹینفورڈ لی ہوپ مسجد ڈاکٹر سراج علی نے کہا:
“ہم نے اکتوبر میں کامیاب کمیونٹی اوپن ڈے منعقد کیا تھا، اور اب ہم مختلف مذاہب اور برادریوں کے رہنماؤں کا خیرمقدم کر رہے ہیں۔ یہ اس بات کا ثبوت ہے کہ ہماری مسجد اور سینٹر سب کے لیے کھلے ہیں۔ ہم کونسلر قیصر عباس کے مشکور ہیں کہ انہوں نے یہ کانفرنس یہاں منعقد کی اور ہمیں ایک دوسرے سے ملنے اور جڑنے کا موقع فراہم کیا۔”
کونسلر قیصر عباس کا بین المذاہب کانفرنس سے خطاب:
تقریب کے منتظم کونسلر قیصر عباس نے کہا:
“میں مسلسل ایسے مواقع فراہم کر رہا ہوں جہاں مذہبی اور غیر مذہبی رہنما ایک ساتھ آ کر تبادلۂ خیال کر سکیں اور تھرک کی متنوع برادریوں میں تفہیم و ہم آہنگی کو فروغ دے سکیں۔ میں تمام شرکاء کا شکریہ ادا کرتا ہوں اور خصوصی طور پر تھرک مسلم سینٹر، اسٹینفورڈ لی ہوپ مسجد، کیو اے جی فاؤنڈیشن اور راول ویریٹاس کے رضاکاروں کا ممنون ہوں جن کی بدولت یہ تقریب کامیاب رہی
