ٹی ٹونٹی ورلڈکپ 2026 کے گروپ میچ میں پاکستان نے نمیبیا کو 102 رنز سے ہرا کر گروپ اے سے سپر ایٹ میں جگہ پکی کر لی۔
میچ کی بنیاد صاحبزادہ فرحان کی سنچری نے رکھی اور پھر چار اسپنرز کی مشترکہ گرفت نے نمیبیا کو 97 آل آؤٹ (17.3 اوورز) تک محدود کر دیا۔
سپر ایٹ میں پاکستان گروپ 2 (انگلینڈ، نیوزی لینڈ، سری لنکا) میں ہے اور پوائنٹس زیرو سے دوبارہ شروع ہوں گے۔
یعنی گروپ مرحلے کی سب محنت اب صرف “مومنٹم” ہے، پوائنٹس نہیں۔ اگلا میچ پاکستان بمقابلہ نیوزی لینڈ 21 فروری، کولمبو ہے۔
سپر ایٹ فارمیٹ، پاکستان کے امکانات، ممکنہ حریف اور میچ اپس
فارمیٹ مختصر مگر واضح
آئی سی سی کے Playing Conditions کے مطابق 20 ٹیمیں 4 گروپس میں کھیلتی ہیں؛ ہر گروپ سے ٹاپ 2 سپر ایٹ میں جاتی ہیں۔ سپر ایٹ میں دو گروپس بنتے ہیں، ہر ٹیم 3 میچز کھیلتی ہے، اور پوائنٹس زیرو سے شروع ہوتے ہیں؛ گروپ مرحلے کے پوائنٹس/NRR آگے نہیں جاتے۔
پاکستان سپر ایٹ گروپ 2 میں ہے: پاکستان، انگلینڈ، نیوزی لینڈ، سری لنکا۔ گروپ مرحلے میں یہ تینوں ٹیمیں اچھی پوزیشن میں آئیں: سری لنکا (+2.462)، نیوزی لینڈ (+1.227)، انگلینڈ (+0.201) جبکہ پاکستان (+0.976)—یہ اعداد سپر ایٹ میں ری سیٹ تو ہوں گے، مگر فارم کا اشارہ ضرور ہیں۔
پاکستان کے سیمی فائنل تک جا پہنچنے کا عملی منظر نامہ:
3 میچز میں زیادہ سے زیادہ 6 پوائنٹس؛ عمومی طور پر 2 جیت (4 پوائنٹس) اکثر کافی ہوتی ہیں، مگر 4 ٹیموں کے گروپ میں 2-2 یا تین ٹیمیں 4 پوائنٹس پر بھی آ سکتی ہیں—تب NRR اور ہیڈ ٹو ہیڈ فیصلہ کرے گا۔ اس لیے پاکستان کے لیے “صرف جیت” نہیں، جیت کا انداز بھی اہم ہو گا۔
چیلنجز اور اگلا میچ بمقابلہ نیوزی لینڈ: پیش گوئی
پاکستان کے لیے بڑے چیلنجز
پاکستان کے لیے سب سے بڑا چیلنج یہ ہے کہ ICC کے مطابق ٹیم کیمپین اب تک inconsistent رہی اور کئی اہم نام ابھی تک اپنی کلاس کے مطابق مسلسل نہیں چلے—سپر ایٹ میں یہ خلا مہنگا پڑتا ہے۔
دوسرا، بیٹنگ میں رولز واضح رکھنے ہوں گے: اس میچ میں بابر کا DNB اور شاداب کا اوپر آنا ایک “ٹیم کنڈیشن” کا اشارہ ہے—یہ فارمولا ہر دن کارگر نہیں رہتا۔
تیسرا، بولنگ کمبی نیشن میں توازن: انڈیا سے شکست میں اہم کردار ادا کرنے والے شاہین آفریدی کو نمیبیا کے خلاف نہیں کھلایا گیا۔ سپر ایٹ میں pace-vs-spin کا درست تناسب فیصلہ کن ہوگا۔
چوتھا، فیلڈنگ/پریشر: اگرچہ اس میچ میں اہم کیچز (مثلاً ڈیپ اسکوائر میں ڈائیونگ کیچ) نظر آئے، مگر بڑے میچز میں یہی moments “انڈر پریشر” دہرانے ہوں گے۔
سیمی فائنل تک رسائی مشکل ہوگی:
پاکستان نے ورلڈکپ سے قبل آسٹریلیا کو ٹی ٹونٹی سیریز میں شکست دے کر ورلڈکپ کیلئے اپنی تیاریوں پر مہر ثبت کی۔ تاہم انڈیا کے خلاف ہار نے ثابت کا کہ قومی ٹیم کے قدم ڈگمگا رہے ہیں اور بڑی ٹیموں سے مقابلہ مشکل ہو جائے گا۔
انگلینڈ، نیوزی لینڈ اور سری لنکا آسان اہداف نہیں۔ ذرا سے کمی پاکستان ٹی ٹونٹی ورلڈکپ 2026 کا سفر تمام کر سکتی ہے۔
