غزہ سے ایک اور تکلیف دہ خبر سامنے آ گئی

عالمی ادارہ صحت (ڈبلیو ایچ او) نےانکشاف کیا ہے کہ کہ غزہ کی پٹی کے شمال میں اب کوئی فعال ہسپتال باقی نہیں بچا ہے۔ اس انکشاف نے بڑے پیمانے پر لاوارث مریضوں کے کھانے ، پانی اور ادویات کی فراہمی کے ناقابل برداشت مناظر بیان کیے ہیں۔عالمی ادارہ صحت کا کہنا ہے کہ اس نے بدھ کے روز فلسطینی سرزمین کے شمال میں دو بری طرح سے تباہ شدہ ہسپتالوں الشفا اور الاہلی میں مشن روانہ کیا تھا۔
مقبوضہ فلسطینی علاقے کے لیے ڈبلیو ایچ او کے نمائندے رچرڈ پیپرکورن نے کہا کہ ہمارے عملے کے پاس مریضوں اور ہیلتھ ورکرز کو درپیش تباہ کن صورتحال کو بیان کرنے کے لیے الفاظ ختم ہو رہے ہیں۔
ان کا یہ تبصرہ جنگ کو روکنے کے لیے سفارتی کوششوں کے دوران سامنے آیا ہے جس کے بارے میں حماس کا کہنا ہے کہ غزہ میں پہلے ہی 20,000 لوگ جان سے جا چکے ہیں، جن میں سے 70 فیصد خواتین اور بچے ہیں۔
غزہ کا سب سے بڑا الشفاء ہسپتال کوگزشتہ ماہ ہی ایک آپریشن کے دوران اسرائیلی فورسز نے خون میں نہلا دیا تھا ۔اس کے بعد سے چھوٹا الاہلی ہسپتال واحد جگہ بن گیا تھا جہاں سرجری ممکن تھی، لیکن الاہلی ہسپتال کے ڈائریکٹر کے مطابق اسرائیلی فوج کے حملے کے بعد اس نے منگل کو کام کرنا بند کر دیا تھا۔

مزید پڑھیں:غزہ میں ریڈکراس کے امدادی قافلے پر حملہ

فلسطین کیلئے ڈبلیو ایچ او نمائندے کے مطابق الاہلی ہسپتال، جو صرف دو دن پہلے انتہائی نگہداشت کے مریضوں سےبھرا تھا آج صرف ڈھانچے کی شکل میں باقی بچا ہے۔
انہوں نے مزید کہا کہ ایندھن، بجلی، طبی سامان اور ہیلتھ ورکرز بشمول سرجن اور دیگر ماہرین کی کمی کی وجہ سے اب کوئی آپریٹنگ تھیٹر نہیں ہیں۔اس نے کام کرنا مکمل طور پر روک دیا ہے۔غزہ کے اصل 36 ہسپتالوں میں سے صرف 9 اب جزوی طور پر کام کر رہے ہیں، یہ سب جنوب میں ہیں۔شمال میں کوئی فعال ہسپتال نہیں بچا ہے۔غزہ میں جنگ شروع ہونے کے بعد سے بین الاقوامی انسانی قانون کے تحت محفوظ ہسپتالوں کو بارہا اسرائیلی حملوں کا نشانہ بنایا گیا ہے۔
اس الزام کے بارے میں پوچھے جانے پر، مسٹر پیپرکورن نے کہا کہ ہم نے اپنے مشنز پر زمین حقائق پر ایسا کچھ نہیں دیکھا، انہوں نے مزید کہا کہ ڈبلیو ایچ او اس پوزیشن میں نہیں تھا کہ یہ بتا سکے کہ کسی ہسپتال کو کس طرح استعمال کیا جا رہا ہے۔
بدھ کے روز جانے والے مشن کا مقصد ایندھن کی فراہمی تھا، لیکن سیکورٹی خدشات کی وجہ سے صرف طبی سامان فراہم کیا گیا۔ تاہم، ایندھن اور ضروری وسائل کے بغیر، الاہلی کا 10 افراد پر مشتمل عملہ ہسپتال میں موجود 80 مریضوں کی مناسب مدد نہیں کر سکتا۔