سویلینز کے ملٹری ٹرائل کا کیس ، آئینی عدالتی نے معاملہ جوڈیشل کمیشن کو بھجوا دیا۔ جوڈیشل کمیشن اب اس حوالے سے بینچ تشکیل دے گا۔ یہ فیصلہ سپریم کورٹ کے آئینی بینچز کے کیمٹی نے کیا جس کی باقاعدہ پریس ریلیز سپریم کورٹ کی جانب سے جاری کردی گئی۔
پریس ریلیز میں لکھا گیا کہ آئین کے آرٹیکل 191A (4) کے تحت تشکیل دی گئی کمیٹی کا تیسرا اجلاس 13 نومبر 2024 کو سپریم کورٹ اسلام آباد میں منعقد ہوا۔ اجلاس کی صدارت معزز جسٹس امین الدین خان (سینئر جج) نے کی۔ اجلاس میں معزز جسٹس جمال خان مندوخیل، معزز جسٹس محمد علی مظہر اور رجسٹرار نے شرکت کی۔ کمیٹی نے خاص طور پر آئینی بنچ کے لیے کیس مینجمنٹ کی کارکردگی اور شفافیت کو بہتر بنانے کے لیے کئی اہم امور پر غور کیا۔
پریس ریلیز میں لکھا گیا کہ سویلینز کے ملٹری ٹرائل سے متعلق ICA نمبر 5/2023 کے معاملے پر، کمیٹی نے نوٹ کیا کہ معزز جسٹس عائشہ اے ملک، جو ابتدائی بنچ کی رکن تھیں، جس کا فیصلہ زیر اعتراض ہے، وہ ان اپیلوں کے لیے آئینی بنچ کا حصہ نہیں بن سکتیں۔ چونکہ ابتدائی آئی سی اے سات رکنی بنچ نے سنی تھی، کمیٹی نے معاملے کو بروقت سننے کو یقینی بنانے کے لیے جوڈیشل کمیشن آف پاکستان سے رجوع کرنے کا فیصلہ کیا۔
مزید پڑھیں:اغواء اور تشدد کے بعد بازیاب ہونے والے انتظار پنجوتھا اب کس حالت میں
پریس ریلیز کے مطابق آئینی مقدمات کے لیے سپریم کورٹ کے اندر الگ سے برانچ بھی بنائی جائے گی۔ جاری کردہ پریس ریلیز میں لکھا گیا کہ عملی کارکردگی کو بہتر بنانے کے لیے ایک اہم قدم کے طور پر، کمیٹی نے آرٹیکل 191A کے تحت آئینی معاملات کو سنبھالنے کے لیے ایک مخصوص برانچ قائم کرنے کا فیصلہ کیا۔ اس برانچ کو کیسز کے ہموار پروسیسنگ کو یقینی بنانے کے لیے مناسب عملے کے ساتھ فعال کیا جائے گا۔ مزید برآں، سپریم کورٹ کے ذریعے پہلے ہی آئینی بنچ کو منتقل کیے گئے کیسز کو منظور شدہ روسٹر کے مطابق شیڈول کیا جائے گا۔
