رشوت ستانی کا الزام، بھارت کی ارب پتی شخصیت گوتھم اڈانی پر امریکی عدالت میں فرد جرم عائد کردی گئی ہے۔
بھارت کے کروڑ پتی تاجر اور دنیا کے امیر ترین افراد میں سے ایک گوتھم اڈانی پر 26 کروڑ 50 لاکھ ڈالر سکیم میں ملوث ہونے کا الزام ہے۔
فرد جرم میں، استغاثہ نے الزام لگایا کہ بزنس ٹائیکون گوتھم اڈانی اور دیگر سینئر ایگزیکٹوز نے اپنی قابل تجدید توانائی کمپنی کے لیے ایسے معاہدے حاصل کرنے کے لیے بھارتی حکام کو ادائیگیاں کرنے پر اتفاق کیا تھا، جن سے 20 سالوں میں 2 بلین ڈالر سے زیادہ منافع کی توقع تھی۔
اڈانی گروپ نے ان الزامات کی تردید کرتے ہوئے انہیں “بے بنیاد” قرار دیا ہے۔
“تمام ممکنہ قانونی راستے اختیار کیے جائیں گے،” گروپ نے ایک بیان میں کہا۔
اڈانی انٹرپرائزز، جو گروپ کی اہم کمپنی ہے، کے شیئرز جمعرات کو 22 فیصد کم پر بند ہوئے۔ گروپ کی دیگر کمپنیوں کے شیئرز بھی مندی کے ساتھ بند ہوئے۔ اڈانی گرین انرجی، جو الزامات کے مرکز میں ہے، نے کہا کہ وہ 600 ملین ڈالر کے بانڈ کی پیشکش کو آگے نہیں بڑھائے گی۔
مزید پڑھیں:ڈونلڈ ٹرمپ فوجیوںکے کورٹ مارشل کو تیار
مسٹر اڈانی بھارتی وزیر اعظم نریندر مودی کے قریبی ساتھی ہیں۔ وہ طویل عرصے سے اپوزیشن سیاستدانوں کے ان الزامات کا سامنا کر رہے ہیں کہ انہوں نے اپنے سیاسی تعلقات سے فائدہ اٹھایا ہے، جس کی وہ تردید کرتے ہیں۔
اپوزیشن کے رہنما راہل گاندھی نے ایک پریس کانفرنس میں مطالبہ کیا کہ مسٹر اڈانی کو گرفتار کیا جائے اور محترمہ بوچ کو سیبی (SEBI) کی سربراہ کے عہدے سے ہٹایا جائے۔ انہوں نے مودی پر الزام لگایا کہ وہ اس کاروباری شخصیت کو تحفظ دے رہے ہیں۔
یاد رہے کہ ارب پتی گوتھم اڈانی دنیا کے 20 امیر ترین افراد کی فہرست میں شامل ہیں۔
