پنجاب سے تعلق رکھنے والے سات مزدور گوادر میں قتل

بدھ اور جمعرات کی درمیانی شب بلوچستان گوادر میں پنجاب سے تعلق رکھنے والے حجام کی دکان کے سات ملازمین کو نامعلوم مسلح افراد نے اس وقت قتل کر دیا جب وہ اپنے رہائشی کوارٹرز میں سو رہے تھے۔ گوادر تھانے کے سٹیشن ہاؤس آفیسر (ایس ایچ او) محسن علی کے مطابق نامعلوم مسلح افراد نے سوربندر کے علاقے میں گوادر فش ہاربر کے قریب رہائش پذیر مزدوروں پر فائرنگ کی۔
اس حملے میں کم از کم سات افراد مارے گئے، جب کہ ان میں سے ایک زخمی ہوا۔ پولیس اہلکار کے مطابق، یہ تمام افراد علاقے کی حجام کی دکان پر کام کرتے تھے اور ان کا تعلق پنجاب کے ضلع خانیوال سے تھا۔ایس ایچ او نے میڈیا کو بتایا کہ جاں بحق افراد کی لاشوں اور زخمیوں کو گوادر ہسپتال منتقل کر دیا گیا ہے۔
وزیراعلیٰ بلوچستان سرفراز بگٹی نے گوادر میں حجام کی دکان کے کارکنوں کے قتل کی مذمت کرتے ہوئے متاثرین کے اہل خانہ سے ہمدردی کا اظہار کیا ہے۔وزیراعلیٰ بگٹی نے اس معاملے پر رپورٹ بھی طلب کی اور کہا کہ "دہشت گردوں اور ان کے سہولت کاروں کی گرفتاری کے لیے ہر قسم کی طاقت استعمال کی جائے گی۔
بلوچستان کے وزیر داخلہ میر ضیاء اللہ لانگو نے سات ہلاک ہونے والوں کے قتل کو کھلی دہشت گردی قرار دیتے ہوئے تحقیقات کا حکم دیا ہے۔وفاقی وزیر نے کہا کہ کارکنوں کا قتل بزدلانہ اقدام ہے، دہشت گردوں سے سختی سے نمٹا جائے گا۔دریں اثنا، صوبائی حکومت کے ترجمان کا کہنا ہے کہ مزدوروں کے اہل خانہ سے رابطہ کیا جا رہا ہے۔
پنجاب سے تعلق رکھنے والے افراد کے قتل کا یہ پہلا واقعہ نہیں ۔ بلوچستان کے ضلع نوشکی میں دہشت گردی کے الگ الگ واقعات میں نامعلوم حملہ آوروں کی فائرنگ سے 11 افراد کو ہلاک کرنے کے کم از کم تین ہفتے بعد پیش آیا ہے۔
بلوچستان کے ضلع نوشکی میں دہشت گردی کے دو مختلف واقعات میں نامعلوم حملہ آوروں کی فائرنگ سے 11 افراد جاں بحق ہوگئے۔مرنے والوں میں سے نو، جن کا تعلق پنجاب سے تھا، کوئٹہ سے تفتان قومی شاہراہ پر بس میں سفر کر رہے تھے کہ انہیں عسکریت پسندوں نے روکا، بس سے باہر نکال کر اغوا کر لیا۔پولیس نے مغویوں کی تلاش کے لیے سرچ آپریشن شروع کیا تاہم ان کی لاشیں ایک پہاڑی کے قریب پل کے نیچے سے ملی ہیں۔ ان سب کو گولی مار کر ہلاک کیا گیا تھا۔
مزید پڑھیں: نوشکی واقعہ کے عینی شاہدین نے کیا دیکھا؟

قتل ہونے والے افراد کا تعلق پنجاب کے علاقوں منڈی بہاؤالدین، وزیر آباد اور گوجرانوالہ سے تھا۔ نوشکی سپرنٹنڈنٹ آف پولیس (ایس پی) اللہ بخش کے مطابق ہلاک ہونے والے افراد مزدور تھے۔
پولیس کا کہنا ہے کہ چھ افراد کا تعلق منڈی بہاؤالدین سے ہے اور وہ ایک ہی گاؤں چک فتح شاہ کے رہنے والے ہیں۔ ان کے اہل خانہ نے بتایا کہ یہ افراد عید سے تین دن قبل عراق روانہ ہوئے تھے۔
دریں اثنا، اسی دن شہر میں ایک اور واقعے میں دو اور ہلاک اور تین دیگر زخمی ہوئے۔اسی طرح، 20 مارچ کو، مسلح افراد کے ایک گروپ کے گوادر پورٹ اتھارٹی (GPA) کالونی پر دھاوا بولنے کے بعد، سیکیورٹی فورسز نے تیزی سے کارروائی کی اور ایک شدید حملے کو ناکام بنا دیا۔
عینی شاہدین نے بتایا کہ انہوں نے کمپلیکس میں فائرنگ کے بعد متعدد دھماکوں کی آوازیں سنی جس میں پاسپورٹ آفس، الیکشن کمیشن آف پاکستان (ای سی پی) کا دفتر اور دیگر سرکاری دفاتر موجود تھے۔