سکائی بزنس سوشل کلب یوکے ( Sky Business Social Club UK ) کے زیراہتمام 22 اپریل 2025 کو لندن کے علاقے الفورڈ میں واقع معروف ریسٹورنٹ "Spice Khazana” میں ایک خوبصورت عید ملن پارٹی اور پرتکلف عشائیے کا انعقاد کیا گیا۔ تقریب میں کمیونٹی رہنماؤں، معزز شخصیات اور میڈیا نمائندگان کی بڑی تعداد نے شرکت کی۔
تقریب کی صدارت اور انتظامات
تقریب کی صدارت سابق میئر آف بارکنگ اینڈ ڈاگنہم اور Sky Business Social Club UK کے چیئرمین ڈاکٹر عبدالغفور عزیز نے کی، جب کہ پروگرام کو کامیاب بنانے میں سیکریٹری وسیم رحمان شیخ اور ان کی ٹیم نے بھرپور کردار ادا کیا۔
پروگرام کی نظامت کونسلر معظم علی سندھو نے خوش اسلوبی سے انجام دی اور مہمانوں کا شاندار استقبال کیا۔
معزز مہمانانِ گرامی
تقریب کے مہمانِ خصوصی معروف عالم دین علامہ افضل سعیدی (ڈائریکٹر مدینہ الزہرہ، منہاج القرآن) اور منہاج القرآن UK کے صدر سید علی عباس بخاری تھے۔
دیگر نمایاں شخصیات میں سولیسیٹر رضوان سلہریہ (چیئرمین IBP)، بیریسٹر عمران پاناں والا (چیئرمین ILCUK)، بیریسٹر صفدر اقبال (صدر ILA)، مشتاق چوہدری (جنرل سیکریٹری ILCUK)، ساجد خان، شیخ معظم علی، جمیل شاہ، ماجد خان، آصف نذیر، مشتاق احمد، شفیق قریشی، ذوالفقار (Zee TV)، اسد نواز (AS TV)، ذوالفقار علی بھٹو، رانا دین محمد، راحیل کھوکھر اور سیکندر شاہ شامل تھے۔
مزید پڑھیں: ہوپ آف اوورسیز پاکستانیز یوکے کے زیراہتمام عید ملن تقریب کا اہتمام
خطابات اور اہم اعلانات
مہمانِ خصوصی علامہ افضل سعیدی نے اپنے خطاب میں 10 مئی 2025 کو الفورڈ، لندن میں منعقد ہونے والے منہاج القرآن کے عظیم الشان پروگرام کی تفصیلات بیان کیں۔
انہوں نے اپنے بیان میں اتحاد، بھائی چارے، امن اور دین اسلام کی تعلیمات کو فروغ دینے پر زور دیا۔
منہاج القرآن UK کے صدر سید علی عباس بخاری نے بھی حاضرین سے خطاب کرتے ہوئے کمیونٹی میں ہم آہنگی، نوجوانوں کی دینی تعلیم اور خدمتِ انسانیت کی اہمیت پر روشنی ڈالی۔
تقریب کے دوران Sky Business Social Club کے دو سینئر اراکین، معظم شیخ اور جمیل شاہ کی سالگرہ کی خوشی میں کیک کاٹا گیا، جس سے محفل میں خوشیوں کی ایک خوبصورت لہر دوڑ گئی۔
تقریب کی یادگار لمحات کو محفوظ کرنے کے لیے سپیشل ایوارڈ یافتہ فوٹوگرافر نسیم میر نے فوٹوگرافی کی خدمات انجام دیں اور ایک یادگاری تصویر ساجد خان کو تحفے میں پیش کی۔
تقریب کے آخر میں تمام شرکاء کی خدمت میں پرتکلف عشائیہ پیش کیا گیا۔
چیئرمین ڈاکٹر عبدالغفور عزیز، سیکریٹری وسیم رحمان شیخ اور منتظمین نے تمام معزز مہمانوں، علماء کرام، کمیونٹی لیڈرز اور میڈیا نمائندگان کا شکریہ ادا کیا، جنہوں نے اپنی شرکت سے اس محفل کو یادگار بنایا۔
