چیمپئنز ٹرافی 2025 کے اسکواڈ میں پاکستانی اوپنر صائم ایوب کی شمولیت کا فیصلہ رواں ہفتے لندن میں مزید طبی معائنے کے بعد کیا جائے گا۔ صائم ایوب کو جنوبی افریقہ کے خلاف کیپ ٹاؤن میں دوسرے ٹیسٹ کے دوران باؤنڈری بچانے کی کوشش کے دوران دائیں ٹخنے میں چوٹ لگی تھی۔
سیریز کے بعد وہ علاج کے لیے لندن روانہ ہوئے، ان کے ہمراہ اسسٹنٹ کوچ اظہر محمود بھی تھے۔معروف آرتھوپیڈک سرجن ڈاکٹر ڈیوڈ ریڈفرن اور ڈاکٹر لکی جیاسیلن نے صائم کی چوٹ کا معائنہ کیا اور کسی خاص نقصان کی اطلاع نہیں دی۔تاہم، حتمی فیصلے کے لیے اضافی ڈاکٹروں کی جانب سے اس کی ایکس رے اور طبی رپورٹس کا جائزہ لینے کا انتظار ہے۔
مزید پڑھیں:زخمی صائم ایوب کیلئے پی سی بی کا بڑا فیصلہ
صائم ایوب چیمپئنز ٹرافی شمولیت کا فیصلہ چند دنوںکی دوری پر:
پاکستان کرکٹ بورڈ (پی سی بی) کے چیئرمین چیمپئنز ٹرافی کے لیے اسکواڈ کے اعلان سے قبل صائم کی دستیابی پر کال کریں گے۔ڈاکٹروں نے چھ ماہ کے آرام کی بھی سفارش کی ہے، جس سے اس کی شرکت کا امکان نہیں ہے۔صائم کی غیر موجودگی میں جارحانہ اوپنر فخر زمان اور امام الحق پلیئنگ الیون میں واپسی کر سکتے ہیں۔
ذرائع کے مطابق 12 جنوری سے 11 فروری تک بورڈ اپنی صوابدید پر کھلاڑیوں میں تبدیلیاں کر سکتا ہے۔ 12 فروری کے بعد کسی بھی کھلاڑی کی تبدیلی کے لیے آئی سی سی کی ٹیکنیکل کمیٹی سے منظوری درکار ہوگی۔ 11 فروری تک 15 سے زائد کھلاڑیوں کو غور کے لیے پیش کیا جا سکتا ہے۔
دوسری جانب پی سی بی کی جانب سے ریزرو کے ساتھ 15 کھلاڑیوں کی فہرست بھی بھیجے جانے کا امکان ہے۔ صائم ایوب کو اسکواڈ میں شامل کرنے کے حوالے سے فیصلہ ان کی فٹنس رپورٹس پر ہوگا۔ صائم ایوب کا نام فٹنس کی شرط کے ساتھ جمع کرایا جا سکتا ہے۔
