پاکستان میٹرولوجیکل ڈیپارٹمنٹ (پی ایم ڈی) نے اکتوبر میں ڈینگی کے ممکنہ پھیلنے کے بارے میں الرٹ جاری کردیا۔ ادارے کی جانب سے خاص طور پر کراچی، لاہور، پشاور، راولپنڈی، اسلام آباد، حیدر آباد، فیصل آباد، سیالکوٹ، لاڑکانہ اور ملتان کے زیادہ متاثر ہونے کا خدشہ ظاہر کیا گیا ہے۔
پی ایم ڈی کے ترجمان نے ایک بیان میں کہا کہ ڈینگی بخار نے اپنی جڑیں گہری کر لی ہیں اور گزشتہ 10 سالوں میں لوگوں کی صحت کو شدید متاثر کیا ہے۔یہ رجحان خاص طور پر مون سون کے بعد کے موسم میں ہوتا ہے – 20 ستمبر سے 5 دسمبر تک۔
ڈینگی ایسے وقت میں شروع ہوتا ہے جب درجہ حرارت اور نمی کی حد بالترتیب 26-29 ڈگری سیلسیس (3-5 ہفتے) اور 60 فیصد رہتی ہے۔ مزید یہ کہ بارش 27 ملی میٹر سے زیادہ رہتی ہے جس میں زیادہ سے زیادہ تین ہفتوں کا وقفہ ہوتا ہے۔ ڈینگی کے حملوں کا فعال دورانیہ طلوع آفتاب کے دو گھنٹے بعد اور غروب آفتاب سے دو گھنٹے پہلے ہوتا ہے۔
مزید پڑھیں:پولیو وائرس اسلام آباد پہنچ گیا،خطرے کی گھنٹی
سرکاری اعداد و شمار کے مطابق 8 ستمبر سے 26 ستمبر تک ڈینگی کے کیسز کی تعداد 800 تک پہنچ گئی۔ 7 ستمبر تک کل کیسز 157 تھے لیکن 26 ستمبر کو یہ تعداد بڑھ کر 960 ہوگئی۔طبی ماہرین کا کہنا ہے کہ یہ اعداد و شمار کے ذریعے دیکھا گیا ہے کہ نئے ویرینٹ سے متاثر ہونے والے زیادہ تر لوگ پہلے ہی ڈینگی بخار کا شکار ہو چکے ہیں۔
ماہرین نے خبردار کیا ہے کہ ڈینگی بخار کی شدید شکل، جسے ڈینگی ہیمرجک فیور بھی کہا جاتا ہے، شدید خون بہنے، بلڈ پریشر میں اچانک کمی (جھٹکا) اور موت کا سبب بن سکتا ہے۔دوسری جانب پنجاب بھر میں اس بیمارے سے وارڈ بھر چکے ہیں جبکہ مزید مریضوں کو پرائیوٹ سروسز حاصل کرنا پڑ رہی ہیں۔ کئی علاقوںمیںحکومت کی جانب سے سپرے میںسستی کی بھی اطلاعات ہیں۔
